ORANJESTAD, Aruba: Crown Furniture & Electronics tabatin su campaña di Like & Comment riba Instagram. Ta trata di e campaña #ONCUCROWN 30 minuut Club unda e participantenan tabatin chens di gana 1000 florin cash.
Crown su campañanan riba social media tin hopi acogida y ta hayando hopi comentarionan. Pa cu esaki, e siguidonan a haya 30 minuut pa participa y keda aden pa gana un di su tremendo premionan. E ganado di #ONCUCROWN 30 minuut Club a resulta den persona di Angelique Geerman. Angelique Geerman tabata feliz di a bay cu e premio cash y el a pasa na e oficina principal di Crown pa reclama su bunita premio di Awg. 1000 cash.
Keda pendiente pa e proximo campaña di Crown unda abo tambe por ta un di e feliz ganadonan.
Crown Furniture & Electronics a sirbi riba 60 mil cliente den e ultimo decada y awo ta cla pa sigui brinda mas y miho servicio di dialuna pa diasabra entre 9’or di mainta te cu 8’or di anochi, mientras cu riba diadomingo e ta habri di 10or di mainta pa 2or di merdia. Crown Furniture & Electronics a bira masha popular pa su formula di duna 25% di descuento riba compra cash, espacio pa paga den 6 luna sin interes y sino un posibilidad pa paga den 24 luna di tempo.