Home » POR den proximo gobernacion lo percura cu sector cultural forma parti di revolucion economico

POR den proximo gobernacion lo percura cu sector cultural forma parti di revolucion economico

by sxm
0 comment 81 views

E aspecto cultural di un Pais ta hopi importante pa wordo bon regula y respeta. Nos bishitantenan cada biaha mas y mas ta busca tur manera pa conoce mas di nos cultura y POR sigur ta mira e balor aki. Den nos plan di gobernacion ‘Vision 17-21 Hunto Nos POR’ tin un seccion di cultura cu por haya tur locual cu por ta presenta pa e proximo gobernacion.

POR den e proximo gobernacion lo implementa educacion cultural solido den enseñansa pa asina e studiante obtene conocemento esencial di cultura na Aruba fomentando creatividad, participacion como tambe motivacion pa contribui na nos cultura den su diferente aspectonan.

Percura pa sector cultural tambe forma parti di e revolucion economico, creando maneho, ley y incentivanan laboral y economico cu ta stimula artista y otro profesional cultural pa participa, pa por engrandece y implementa conocemento di nos cultura y herencia cultural entre otro den enseñansa, lo percura pa conservacion y documentacion adecua tanto di nos herencia tangibel como tambe nos tradicion y custumbernan. Stimula traspaso di conocemento cultural basa riba informacion corecto entre bishitante y local respetando nos custumbernan como tambe creando un experencia autentico pa nos bishitante.

Tur partner den sector turistico lo wordo atendi riba nan responsabilidad pa percura cu cultura y identidad ta un aspecto fundamental den promocion di turismo. Capital Cultural San Nicolas: lo duna continuacion na plannan y proyecto existente a base di conseho di AIB pa posiciona San Nicolas como Aruba su Capital Cultural. Lo percura pa combina interes di habitante como tambe proyectonan (tanto planea y den ehecucion). Lo tin enfasis riba promocion di incentivonan economico nobo cu base den sector creativo (creative economy) manera e-conomy, tech start ups etc.

Salvaguardia nos herencia tangibel manera nos monumentonan pa medio di conscientisacion como tambe implementa incentivo fiscal pa facilita restauracion y compra di monumento. Promove y engrandece conocemento di herencia intangibel dor di duna importancia bek na departamentonan manera UNESCO y fundacionnan cu ta encarga nan mes cu nos herencia. Implementa un plan di accion nacional pa rescata informacion cultural y digitalisa esaki trahando cu departamentonan clave manera Departamento di Cultura Aruba (DCA), Archivo Nacional Aruba (ANA) y Bibloiteca Nacional Aruba (BNA). Engrandece participacion di sector priva den actividadnan cultural creativo. Banda di nos Fondo Cultural UNOCA, sondea posibilidadnan nobo pa crea fondo pa sostene participacion cultural, y duna un empuhe na esnan cu kier aporta na e “creative economy”. Tambe. implementa ley den cual ta regla e pakete di incentivo fiscal (tax holiday) pa stimula nos sector cultural/creativo.

Si bo kier lesa mas di locual cu por tin den su plan di gobernacion por haya esaki gratis riba Facebook Page POR E Forsa Nobo of por kedda pendiente pa mas informacion cu lo wordo publica den medionan di comunicacion pa asina cumpli cu e peticion di comunidad pa e informacion ta mas cerca y accesibel.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio