ORANJESTAD, Aruba: Recientemente AHATA a organisa un tayer di “Tecnica di Conversacion” interesante y practico. E tayer a bay over con un hefe di departamento of dunado di trabou por comunica cu su empleado, con pa duna feedback constructivo, con empleadonan ta reacciona ora cu bo bisa algo y con esaki ta demostra si e hefe di departamento ta uza of no e technicanan corecto pa comunica. E oradornan di e workshop tabata Esther Baaij Senior Manager Human Capital Consulting, Learning & Assessments na Deloitte y Vivian Mc Donald, Consultant Human Capital Consulting, Learning & Assessments na Deloitte.
Vivian Mc Donald tabata un di e oradornan pa e training di Conversation Techniques, cual nan a duna e participantenan e hermentnan necesario pa ora cu nan tin un combersacion con pa por haci esaki y di e manera mas efectivo cu por aplica pa nan yega nan meta. E oradornan ta ricibi feedback di e participantenan con pa duna un miho entrevista y con pa aplica esaki. A haci diferente rol play cu e participantenan pa asina nan por a aplica tur tecnica cu nan a ricibi.
Chef D’cuisine di Hyatt Regency Aruba, Philemon Astrel a participa den e tayer di Tecnica di Conversacion y a haya cu esaki tabata uno bon. E workshop a bay over di comunicacion y ricibi feedback, cual participantenan a siña hopi di dje. “Mi mes ta hopi contento pa ora mi bay bek trabou, aunke cu mi tabata sa caba tocante e topico, awo mi tin mas tools cu mi por comparti cu e stafnan”, Philemon Astrel a expresa.
Duna y ricibi feedback ta un tiki dificil ora di haci esaki, pero siñando esaki tambe ta bon pa comparti cu otro. E training aki ta uno hopi bon y Philemon Astrel lo desea di sigui participa den tayernan asina aki.
E training cu AHATA a ofrece over e tecnicanan di duna feedback y con pa comunica, ta algo importante pa crecemento di un persona, Executive chef di Hyatt Vincent Pellegrin a duna di conoce. Pa Vincent Pellegrin loke tabata importante ta e parti di scucha mas, pasobra ta importante pa tur hende scucha prome cu asumi cosnan. Esaki ta algo cu tur hende mester siña. E tipo di training aki AHATA mester sigui organisa y pa haci management y empleadonan miho.
AHATA lo ofrece un otro tayer cu asistencia di Deloitte durante e luna di october, e biaha aki tocante MBTI durante e tayer aki e participantenan lo cera conoci cu nan mesun estilo di personalidad, con pa uza esaki den comunicacion cu otro persona of con pa compronde un otro persona su reaccion riba un cos cu bo haci of bisa.