Home » Despues di a ricibi oportunidad pa bay congreso na Azerbaijan Davyck Franken contento di a representa Scouting Aruba den exterior

Despues di a ricibi oportunidad pa bay congreso na Azerbaijan Davyck Franken contento di a representa Scouting Aruba den exterior

by sxm
0 comment 60 views

ORANJESTAD, Aruba: Davyck Franken ta den e grupo di scouting Casibari Jan Lobbrecht y a haya e oportunidad pa representa Aruba na Azerbaijan. Scouting Aruba a pidi pa 2 hoben lider activo den scouting pa representa Aruba den e World Scouth Youth forum Azerbaijan 2017. Mitchell Croes y Davyck Franken ta studia na Hulanda y nan a ricibi e oportunidad pa participa den e seminario.

 

Esaki ta prome biaha cu Scouting Aruba a ricibi e oportunidad pa duna nan voto den e conferencia mundial aki. E conferencia aki a tuma luga na e capital di Azerbaijan, esta Baku. Davyck Franken y Mitchell Croes a gradici Scouting Aruba pe oportunidad grandi aki y pe experiencia cu nan a pasa durante e conferencia grandi aki.

 

Lider di Unidad di Verkenners di Grupo Scout Casibari Jan Lobbrecht, Brian Daké, tabata sumamente contento cu e hoben Davyck Franken a ricibi e oportunidad aki pa bay representa Scouting Aruba na Azerbaijan. Davyck Franken ta un hoben cu ta assistent di Brian Daké, kende ta recorda cu e hoben tabata un verkenner, despues a bira un explorer y a crece bira un lider. Grupo Scout Casibari Jan Lobbrecht ta hopi contento cu e hoben a haya e oportunidad di representa Aruba.

 

E experiencia aki semper lo keda cu Davyck Franken y Brian Daké ta kere cu ta bon pe hobennan bay exterior, pa asina conoce otro pensamento y cultura di scouting mundial. Ta spera cu e hoben por sigui cu e mesun entusiasmo, pasobra por mira su contribucion positivo den su grupo y Scouting Aruba. Tambe ta spera cu mas hoben por haya e chens di representa Scouting den exterior.

 

Minister Schwengle tabata sumamente orguyoso cu Aruba tambe a haya e espacio pa por a vocifera nan punto di bista. A felicita Davyck Franken, su famia y tur esunnan cu a sostene den e logro aki. Minister Schwengle ta spera cu e hoben por ta un ehempel pa duna un aporte den e mundo di scouting di Aruba, pa cu esaki crece un tiki mas.

 

Aparte di deporte y educacion, scouting ta duna un persona hopi disciplina. Tambe scouting ta duna bo e formacion y ta guia bo pa ta un miho ciudadano den futuro. Ta spera cu esaki ta un empuhe pe mundo di scouting Aruba por sigui crece.

 

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio