Home Uncategorized Boto procedente di Las Piedras, ta baha 12 persona indocumenta na costa...

Boto procedente di Las Piedras, ta baha 12 persona indocumenta na costa norte

SHARE

Sabania Abou – Dialuna mainta trempan polis a haya informacion cu den area di Sabania Abou, tin hende cu nan no conoce canando sin sapato bayendo direccion Angochi.

Na yegada di polis nan ta topa 4 Venezolano y nan a declara cu nan a drenta via lama. Nan ta conta polis cu nan tawata 12 hende. Un di nan a logra huy, subiendo un auto, pero loke nan no tawata sa cu habitantenan a wak e number di auto y a duna polis esaki.

E restonan sigur tambe lo a logra scapa y actualmente ta scondi un caminda ariba nos isla.

Mas laat polisnan ta haya e boto na Boca Keto, caminda cu nan a yega tera.
E boto bou nomber di Zeus ta procedente di Las Piedras.

Esnan deteni a wordo hiba warda y pa despues nan entreganan den nan man di Guarda Nos Costa.