Home » Cuerpo policial di Korsou ta informa tocante :Aksidente Di Outo Ku Morto, Detenshon I Konfiskashon Di Arma, Droga I Munishon (Video Plus Potret)

Cuerpo policial di Korsou ta informa tocante :Aksidente Di Outo Ku Morto, Detenshon I Konfiskashon Di Arma, Droga I Munishon (Video Plus Potret)

by sxm
0 comment 78 views

Willemstad, Curacao: Djabièrnè 18 ougùstùs 2017 alrededor di 02.15 ‘or Warda Kosta a notifiká Sentral di Polis ku
un boto lo a kaba di hasi un “dròp” na St Jorisbaai. Mesora polis a bai den e direkshon di St.
Jorisbaai. Ora ku polis tabata yegando na e sitio, nan a tuma nota di un Honda CRV pretu ku
tabata bini ku velosidat haltu pafó.
A start un persiguishon i durante e persiguishon okupantenan dje outo tabata tira kos fo’i
dje outo. Polis a trata di para e outo aki pero e shofùr / sospechoso tabata kore riba un
velosidat hopi haltu i na un manera iresponsabel. Na e momento ei polis a lòs tiru dirigí riba
e vehíkulo aki. E vehíkulo(Honda) a sigui kore i mas despues e persiguishon a bin terminá
ora ku e Honda a dal den muraya di un kurá na Kaminda Mitologia.
A resultá ku den e vehíkulo aki tabatin ocho(8) persona. (e shofùr i shete(7) otro okupante).
Saldo dje choke:
 Dos(2) persona (un hòmber i un muhé) a pèrdè nan bida na e sitio mes dor di e
dalmentu di e outo. Identidat di e sospechoso / víktimanan ta konosí pero
mester keda identifiká ofishalmente ainda i mester pone famianan (den
eksterior)na altura. Riba Alrededor di 03.45 or dòkter di polis a konstatá morto
di e dos personanan aki. Riba òrdu di Fiskal di Ministerio Públiko a konfiská e dos
kurpanan sin bida.
 Ambulans a transportá seis (6) di e okupantenan di e Honda pa Poliklínika di
SEHOS pa tratamentu médiko. Sinku(5) di nan pa heridanan ku ta varia di
pia(nan) kibrá te dolónan interno komo konsekuensia di e dalmentu. Un(1) di e
sinku sospechoso / víktimanan aki ta den situashon hopi krítiko. E di seis víktima
a risibí un tiru den su garganta ku probablemente ta prosedente di un arma
reglamentario di polis.
 Dos(2) di e sospechoso / víktimanan ta nasé na Sto. Domingo i ta biba na Kòrsou.
 Sinku(5) di e sospechoso / víktimanan di nan ta nasé na Venezuela.
 E sospechoso / víktima ku ta den kondishon krítiko no tin informashon di dje.
Durante un investigashon, polis a haña i konfiská un kantidat di arma di kandela, munishon i
droga den e sakunan ku a keda benta fo’i dje Honda durante di e persiguishon.
Departamentu di Komunikashon i Prevenshon
Página 2
SIRBI I PROTEHÁ
Polis a haña i konfiská:
 Ocho(8) pistol (5 Glock,por switch hasi nan outomátiko) Force 99, FN, Baretta
Pietro) (kaliber 38)
 Diesdos(12) revòlver (diferente marka Ruger 38 speshal, Colt Cobra, Hogie,
Smith and Wesson, Cold Agent, Amadeo Rossi. Mayoria 38 speshal, dos(2) di e
armanan sin marka.
 Ocho(8) kashi pa bala apart diferente tipo ku bala skèrpi aden. Algun ku
ekstenshon.
 Diesnuebe(19) paki mariwana
 Kantidat di bala skèrpi.
Na momento ku identifiká e dos personanan ku a fayesé durante di e aksidente nos lo hasi
nan identidat konosí.

 

Imagen y Video cortesia di  kiko ta pasando  website Kikoapasa.com

http://https://www.youtube.com/watch?v=CrkwRLs7erk

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio