Home » Tata lo a carga un supuesto arma di candela despues di un problema cu mama di su yiu, polis a para e auto, a buska den e auto, pero sin resultado

Tata lo a carga un supuesto arma di candela despues di un problema cu mama di su yiu, polis a para e auto, a buska den e auto, pero sin resultado

by sxm
0 comment 73 views

Seroe Preto, San Nicolas; Algo prome cu 6’or di Diasabra atardi, ta surgi un problema entre un mama cu tata na un adres na Seroe Preto (San Nicolas) y segun esnan na e cas, e tata lo a carga un arma di candela prome cu ela subi un auto y bay for di e sitio.

E habitantenan di e cas a avisa polis di loke a caba di sosode, mesora polis a cuminsa cu un buskeda pa e KIA Cerrato color shinishi scur. Varios unidad a bay den e area di Sabana Basora unda e persona aki ta biba.

Na momento cu e tata di inicial RL tabata yegando su cas, un patruya di polis a para e auto y a pone e dos ocupantenan baha for di e auto.  E polisnan na e sitio a cuminsa buska den e auto pa e supuesto arma di candela.

Despues di un buskeda intenso den e auto sin resultado, e agentenan a laga e dos cabayeronan bay y e patruya a bay na e adres na Seroe Preto pa wak si nan por haya mas detayes. 

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio