Home » Prome Minister Mike Eman hopi consciente di e necesidadnan Deporte ta y lo sigui forma parti importante di maneho di Gobierno pa logra hobennan sano

Prome Minister Mike Eman hopi consciente di e necesidadnan Deporte ta y lo sigui forma parti importante di maneho di Gobierno pa logra hobennan sano

by sxm
0 comment 59 views

ORANJESTAD – Construccion di e.o. mini canchanan deportivo rond Aruba, cu na final di e Gobernacion aki lo ta 9 en total caba, ta ilustra e rol importante cu deporte tin den maneho di Gabinete Mike Eman I y II, y riba cual lo sigui enfoca den e siguiente Gobernacion. Pa Prome Minister Mike Eman, deporte ta hopi importante den e politica di su Gabinete, ya cu pa medio di deporte ta crea hobennan sano cu ta lidernan di e comunidad den futuro.
Ta hustamente e enfoke poni riba deporte ta loke a trece institutonan internacional di deporte pa brasa proyectonan cu Aruba ta trahando riba dje. Por menciona e aliansa di FIFA, durante nan reunion internacional na Aruba, y COA, pero localmente tambe por a constata un buelta importante y interesante. Den e ultimo aki BoBario a hunga un rol importante. “Nos ta mira deporte como un aspecto importante pa tene hobennan for di caya, pa duna nan alternativanan deportivo pa pasa oranan den forma sano y aleha di problemanan riba caya. Basa riba e perspectiva ey nos a bin ta trahando duro den BoBario pa den fin di simannan yuda clubnan deportivo drecha tribuna, afdak, drecha container cu ta sirbi como clubhuis. Nos a haci hopi trabou boluntario cu BoBario. Tambe nos a cuminsa inventarisa kico mas nos por haci na e canchanan deportivo pa ofrece un alternativa sano di recreo pa hoben y adulto. Aruba tin hopi di e canchanan aki y nan ta haci un tremendo trabou.”
E mandatario ta contento pasobra e institutonan grandi manera FIFA y COA, cu banda di enfoca riba excelencia tambe ta mira mas y mas e aspecto social di deporte. “Esaki ta haci mi hopi contento pasobra den desaroyo di BoBario nos ta mira cada bes mas con importante deporte, arte y cultura ta pa duna hobennan un oportunidad pa despues di scol haci algo sano, algo cu ta tene nan for di caya y traha tambe riba “team building”.” Eman a recorda con den pasado tabatin canchanan, pero di santo y asina mes hoben di tur bario y status social ta bini hunto, cu ta crea amistadnan duradero loke ta percura pa un comunidad mas sano y uni. Esey ta algo hopi escencial,” e mandatario a bisa.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio