Home » Chauffeur ta wordo agredi door di tres persona y nan ta bay cu e van di compania

Chauffeur ta wordo agredi door di tres persona y nan ta bay cu e van di compania

by sxm
0 comment 70 views

Paradera: Diabierna pa mas o menos 1’or y 40 di merdia, polis ta haya un informacion cu na Paradera Restaurant, tres hoben na pia lo a acerca un chauffeur di un van, nan a agredi’e y a coi su van bay cune. Mesora ta manda varios unidad na e sitio pa asina haya mas informacion.

Na e sitio nan ta bin compronde cu ta trata di un van Hiace Toyota blanco di e compania Superior Tobacco Company, e chauffeur a keda herida y a pidi pa presencia di un ambulance, mientras tanto varios unidad di polis a cuminsa buska den e area, na dado momento via un sistema digital nan lo a logra track  e Van y a bin haya sa cu e ta den area di Moko.

Mesora un unidad di polis a bay na e sitio y enberdad dilanti di un cas na Moko nan a topa cu e van Hiace blanco, pero e tres hobennan nan cu tabata cune, a bandona e sitio caba. Aparentemente un di e hobennan ta wordo buska pa husticia. Den e van lo tabata tin un safe y esaki a keda y tabata intacto. 

Takelwagen y presencia di departamento technico di polis a wordo pidi na e sitio, pa asina haci mas investigacion riba e van, despues cu departamento technico a caba cu nan investigacion, e van a keda confisca y takelwagen a transport’e pa Warda di Santa Cruz.

Despues cu personal di ambulance a trata e victima na Paradera Restaurant, ela wordo transporta pa hospital, tambe a pidi pa asistencia di slachtofferhulp pa atende cu e victima.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio