Home Uncategorized Partido ABO: Masha Danki!

Partido ABO: Masha Danki!

SHARE

Partido Aruba su Bienestar Organisacion (Partido ABO), kier a gradici e famianan di su integrantenan, e firmantenan di su lista di sosten y tur sostenedo pa e oportunidad brinda, apoyo, dedicacion y amor durante e periodo aki. Sin boso, partido ABO nunca por a yega asina leu.

Partido ABO no a logra acumula e 578 firmanan necesario pa por participa na e eleccion di september venidero y pa es motibo e electorado lo no por vota pa partido ABO. Durante e periodo di campaña, partido ABO, respetando e principionan basico di democracia, lo duna tur espacio na e partidonan participante pa trece nan mensahe na e electorado. Despues di eleccion, partido ABO lo continua conscientisa y informa pueblo manera e tabata haciendo desde 2014. Pasobra partido ABO ta kere fielmente den e filosofia di un pueblo bon informa, ta miho prepara y capaz pa exigi bon gobernacion y politiconan integro. Solamente asina un pueblo por mantene semper su destino den propio man.

Partido ABO ta desea tur partido exito y e pueblo hopi sabiduria durante eleccion 2017.

Partido ABO ta akinan pa keda. Masha Danki!

 

(www.aboaruba.org, aboaruba@hotmail.com)