Home » Altocomisario mr. Adolfo “Dolfi” Richardson A celebra 31 aña di existencia di Cuerpo Policial cu un servicio di Misa

Altocomisario mr. Adolfo “Dolfi” Richardson A celebra 31 aña di existencia di Cuerpo Policial cu un servicio di Misa

by sxm
0 comment 79 views

ORANJESTAD, Aruba: Diaranson Cuerpo Policial Aruba a celebra nan dia y pa cu esaki Altocomisario mr. Adolfo “Dolfi” Richardson a extende palabranan di felicitacion na henter comunidad pasobra a celebra nan 31 añanan di existencia. Dia 16 di Augustus ta e fecha di inauguracion di Scol pa Polis, cual tambe ta celebra esaki y tur aña ta pone misa como parti di e programa di Polis.

 

E aña aki nan no tabatin un programa pa henter e siman, pero tabata importante pa tin un servicio di misa. Altocomisario Richardson a gradici pastoornan y diferente oradornan y sin laga afo tur esunnan cu a presenta na e acto di servicio na misa.

 

E trabou di Polis ta uno completo y ta conoce su risiconan, p’esey riba e dia di 16 di Augustus nan a ricibi hopi bendicion pe bon trabou cu nan ta haciendo. “Di parti mando policial, mi ta felicita tambe nos coleganan y mi ta spera cu Cuerpo Policial por celebra 100 aña mas”, el a expresa contento.

 

Minister di Husticia, Drs. Arthur Dowers tambe tabata presente na e ceremonia y a duna pabien na Cuerpo Policial. Minister Dowers a reflexiona un rato riba e trabou di Polis. Cuerpo Policial su trabou ta brinda servicio y siguridad na e pueblo di Aruba y pa cu esaki nan integridad ta uno di importancia. Y esaki ta un credo pa polisnan y cu nan mester biba 100% cu esaki.

 

Despues di e santo sacrificio di misa a sigui un Koffiemorgen, unda cu e Polisnan por a intercambia di idea y a haya un bon chens pa combersa y celebra nan dia.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio