Home » Minister di Salud Publico, Cuido di Nos Grandinan y Deporte, Dr. Carlos “Alex” Schwengle A celebra 25 aña di existencia di Arawak Club A elogia e club pa tur loke nan a haci

Minister di Salud Publico, Cuido di Nos Grandinan y Deporte, Dr. Carlos “Alex” Schwengle A celebra 25 aña di existencia di Arawak Club A elogia e club pa tur loke nan a haci

by sxm
0 comment 57 views

ORANJESTAD, Aruba: Minister di Salud Publico, Cuido di Nos Grandinan y Deporte, Dr. Carlos “Alex” Schwengle hunto cu Fundacion Lotto pa Deporte (FLpD) a reuni cu Arawak Club na e restaurant Mi Dudu, unda cu a celebra cu nan 25 aña di existencia. E evento tabata uno ameno y tur hende presente a disfruta di e anochi aki.

 

E evento tabata pa duna pa duna atencion na e 25 aña di celebracion di e existencia di Arawak Dam Club, cual club ta den e proceso di bira un federacion. A duna un aprecio na e club pe bon trabou durante 25 aña. Ministerio di Deporte hunto cu FLpD y Aruba Sport Unie (ASU) kier sostene nan y pa yuda stimula e deporte mental mas ainda.

 

Minister Schwengle tabata sumamente cu e anochi aki y hunto cu FLpD a duna plakkaat na algun miembro di directiva di Arawak. E miembronan di directiva ta president Mario F. Jansen, tesorero Denis C. Berkel, secretario Octavio Croes, notario (hoben) Rolin Croes y notario (material) Cesar Marquez. E buki di Sportvisie Aruba 2017-2027 a keda entrega na Mario Jansen pa asina e haya sa mas riba e vision cu Minister Schwengle tin pa cu deporte despues di a firma e letter of intent.

 

Un gradicimento a bay na ASU pa a tuma semper iniciativa pa duna espacio na deporte  cu no ta registra na Organisacion Olimpico, pero cu den e pensamento  cu e tin un balor agrega na e formacion di hubentud. Aki nos ta referi na  weganan manera dam, ahedres y domino. Ta cu satisfacion  a dicidi na  duna e elogio aki na e club cu pa 25 aña  a sa di yuda na e formacion di hobennan.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio