Havenstraat – Diamars mainta den careda di 9’or polis a wordo informa cu patras di unda antes tawata Botica Kibrahacha, un hende tawata grita.
Patruya cu a yega na e sitio, ta constata cu lo ta trata di un caso di atraco, paso un persona lo a wordo mara y maltrata ariba su cama.
E sitio ta un negoshi cu ta drecha joyas y den e luga tin un camber cu e persona ta keda drumi, ora bira laat.
Mes ora a bati alarma pa tanto ambulance y departamento di atraco.
Segun nos tin entendi, tiw wrap a wordo usa pa mara e persona.
Ambulance na su yegada a bay na e di dos piso di un edificio, situa parti patras di e ex botica.
Algun minuut mas laat atraco team a yega y mes ora a cuminsa compila tur datos posibel.
Loke por a deduci tawata cu e victima no a wak niun arma, cu por a bisa cu ta un atraco.
Segun e victima elo a wordo bati y parse cu den e maltrato su schouder tambe lo a sali for di “luga”.
E caso aki ta cambia y ta bira mas bien un caso ladronicia cu violencia.
Segun habitantenan, e area ey aki semper por wak tur tipo di personanan straño, esta cu no ta biba eybanda.
No ta conoci kiko nan por a bay cune.