Home Uncategorized Pelea formal cu tiramento di botter riba e parkinglot pazuid di Citgo...

Pelea formal cu tiramento di botter riba e parkinglot pazuid di Citgo Boulevard, un persona herida y dos deteni

SHARE

Oranjestad – Dialuna marduga polis ta wordo notifica, di un pelea formal cu tiramento di boter pazuid di Citgo Boulevard. 

Na yegada polis a wordo informa, cu un persona lo a resulta herida, pero e lo a wordo hiba hospitaal den auto particulier. 
 
Na e sitio agentenan a wordo bisa di un Toyota Starlet, cu probablemente lo ta esnan cu a start e problema ya a bandona e sitio.
Lo tawata trata di problema entre dos grupo. 
 
Polisnan a sigui tira bista rond, pa e Starlet. Na altura di Nikky beach a bin topa cu e auto aki y na e auto tawata tin algun hende.
Parti dilanti di e Starlet tawata kibra.
 
Eynan polis a detene un homber y tambe un muhe, cu probablemente lo tawata esnan cu a maltrata un persona na altura di Citgo Boulevard. 
 
No ta conoci kiko a conduci na e problema aki.
Loke si nos por bisa, cu e sitio aki a bira un area di hang out pa gruponan y tipo di incidentenan asina por a spera, mirando e cantidad di hende cu ta staciona nan auto y aglomera eynan.