Home » Partido POR durante bishitanan di cas den fin di siman Pueblo kier wordo scucha y ricibi atencion pa nan preocupacionnan

Partido POR durante bishitanan di cas den fin di siman Pueblo kier wordo scucha y ricibi atencion pa nan preocupacionnan

by sxm
0 comment 89 views

Durante fin di siman tras di lomba Partido Pueblo Orguyoso y Respeta (POR) tabatin e placer di  bishita diferente bario rond di Aruba. Segun e simannan ta bira menos y nos ta yegando e fecha di eleccion 2017, mas y mas ta mira e necesidad pa percura cu informacion di e plan di gobernacion pa 2017 di partido POR yega cerca tur hende. Lider di POR Otmar Oduber a combersa cu pueblo riba  con POR lo atende cu diferente retonan cu ta biba den comunidad actualmente y hunto cu henter e team di POR kier gradici comunidad pa e recepcion cu ta ricibi.

 

Comunidad ta rechasa politica bieu y ta cera porta pa politiconan cu ta ignora nan preocupacionna y ta campaña a base di promesanan bashi. Pueblo kier mira cambionan tuma luga pa loke ta e situacion di seguridad riba nos isla, hopi hende ta biba cera aworaki y ta splica cu manera solo cuminsa baha ya ta cera cas completo y bay paden. Ya no tin e sentimento si seguridad mas y ta preocupa cu e gobierno actual no tin oido pa nan preocupacion. Mas preocupcion cu ta scucha constantemente ta e problemanan social, mamanan soltero cu mester traha hopi ora y no ta resta tempo pa wak pa nan yiunan y costo di bida halto.

Basicamente e ser humano no a ricibi atencion e ultimo añanan y esaki ta visto. POR tin e ser humano central den e plan di gobernacion ‘Vision 17-21 Hunto Nos Por’ y ta invita comunidad pa lesa esaki riba e pagina di Facebook di POR E Forsa Nobo of keda pendiente den medionan di comunicacion pa informacion cu lo wordo publica durante siman di contenido di e plan di gobernacion.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio