Home » Intento di asesinato, momento cu un Nissan Sentra ta dal un hoben y sigui bay

Intento di asesinato, momento cu un Nissan Sentra ta dal un hoben y sigui bay

by sxm
0 comment 88 views

Tanki Leendert – Diasabra atardi algo pasa di 5:30 polis y ambulance ta wordo manda cu urgencia na Tanki Leendert.
Sitio exacto, mas pabou di Glenn’s Take Away.

Informacion a drenta cu auto lo a dal un mucha y sigui bay, pues un caso di hit and run. Na yegada nan topa un hoben drumi mita ariba acera y su pianan ariba caminda.

Loke en realidad a pasa

Ambulance tambe cu tawata na e sitio mes ora a cuminsa prepara pa sali cune direccion hospitaal.
Di loke e hoben por a papia, pero cu dificultad tawata cu un Nissan Sentra color cora, cu 3 homber den dje a dal e.

Segun nan por a compronde, e auto a bin strit ariba dje y dal pa despues sigui bay direccion west manera nada un pasa.
Esaki a pasa panort di caminda y e hoben por a logra cana algun meter y cay ariba acera.

Loke autoridad sa di e Nissan Sentra color cora

Chauffeur di e Nissan ta un hende homber color cla, esta cuero blanco y a bay direccion Ponton.

E victima esta e hoben herida, a bisa cu basta dificultad na un amigo cu a yega esaki ” Pa malo nan a dal mi “.

Instancianan manera recherche, departamento di trafico y tambe departamento tecnico di polis tur tawata na e sitio pa asina haci nan investigacion y trata na compila mas datos posibel.

Ambulance a bay cu e hoben hospitaal, cu a haya basta golpi na cara y cabes.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio