Palm Beach – Diabierna merdia den careda di 2’or un boto di un compania di watersport, a bin tera cu un dama turista.
Mes ora ambulance y polis a bay Pelican pier, cu ta situa na dilanti Holiday Inn.
Prome informe tawata bisa cu e turista cu ta un dama hoben lo a haye den problema, cu su kite surf.
Y cu e lo tawata basta malo, pero na yegada di ambulance nan por a wak cu esaki no tawata e caso.
Segun e capitan di e boto, bayendo nort ela spot e dama den lama y por a nota cu e ta den problema. Asina nan a yude y a bati alarma.
Parse cu e lo a haye den problema durante cu e tawata practica Kite Surf.
Ela keda den lama pa mas o menos 20 minuut. Na e sitio nos por a wak cu e ta ok. Personal di ambulance a controle na e sitio mes y despues polis a bay bahe na Fisherman’s hut, caminda su famia tawata.