Home » Minister Arends y manager nobo di KLM pa region sr. Ursem a reuni Arends “KLM ta un partner strategico di gobierno y nos conexion cu Europa”

Minister Arends y manager nobo di KLM pa region sr. Ursem a reuni Arends “KLM ta un partner strategico di gobierno y nos conexion cu Europa”

by sxm
0 comment 62 views

ORANJESTAD- Minister di Asuntonan Economico y Comunicacion Richard Arends a haya  bishita di cortesia di e manager nobo di KLM pa Aruba, Boneiro, Corsou y Surnam sr. Cees Ursem. Despues di e reunion sr. Ursem a bisa cu e encuentro cu Minister Arends tabata bon. Nan a papia riba e desaroyonan economico di Aruba mescos tambe e desaroyonan den aviacion di e region.

Minister Arends tabata satisfecho con e prome contacto cu e manager nobo di KLM pa e islanan Caribense a bay. “KLM ta un partner strategico di gobierno di Aruba, no solamente pa loke ta e parti turistico, pero tambe den e parti di transporte y economia. KLM ta nos conexion cu Europa y nos conexion pa actividadnan economico cu Europa. Mescos cu otro partnernan strategico mi ta scucha nan preocupacionnan, esaki tambe tabata e caso cu KLM awe.”

Arends a recorda con prome cu Gabinete Mike Eman I a asumi su responsabilidad, KLM un compania cu tabatin 80 aña ta bula pa Aruba, a stop su vuelonan. “Asina cu Gabinete Mike Eman a sinta a bay den dialogo cu ehecutivonan di KLM. Y a base di esaki KLM a reanuda su vuelonan y a duna nos un opcion atrobe un conexion cu Europa. Awe nos a fortifica un biaha mas e relacion cu nos tin cu KLM. Nos a discuti e diferente plannan cu nos tin. Di mi parti e maneho economico pa loke ta trata e 4 topsectornan unda KLM por usa di nan cu transporte di persona y carga y di nan banda tambe wak con por reinforsas e conexionnan cu Aruba y e lasonan strategico cu nan tin aki nan.”

Na e momentonan aki Aruba tin un reto grandi pa loke ta e conexion entre e islanan. Minister a bisa cu KLM a bisa cu nan tin oido pa e problemanan aki. “Nan tey pa duna conseho y partner up cu nos pa tuma e decision corecto.” Arends a splica cu e pronosticonan economico ta hopi beneficioso. E aña aki ta premira un crecemento di 3.4%. “E añanan nos dilanti esaki ta keda e tendencia y mayoria ta danki na inversionnan priva manera e refineria y tambe den turismo. Turismo di Europa ta creciendo. Un mercado cu ATA ta invertiendo hopi aden. Esaki pa atrae turistanan mas afluente cu ta gasta mas. E ta un niche market tambe. Nos por a mira cu recientemente torneonan di golf a tuma lugar aki. Nos por haci uso di KLM pa loke ta e demanda di e turista Europeo.”

 

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio