Home » MEP ta denuncia tur practica di Patronahe Politico di AVP

MEP ta denuncia tur practica di Patronahe Politico di AVP

by sxm
0 comment 58 views

AVP ta conoci como un partido cu semper ta busca di tene su politiconan, su fiel siguidornan y tambe su grupo di friends and family contento y na tur momento – si nan mester duna fabornan politico na e grupo previlegia aki – nan ta haci esaki sin ningun tiki clase di berguensa.

 

Practicanan coruptivo

Den pasado nos por a mira entre otro con e gobierno aki a otorga ‘just like that’ un cantidad di 3 cas den Colony na un solo familia, esta na e yiunan di un parlamentario di AVP. Tambe e practica coruptivo caminda terenonan den ‘natuurgebied’ ta haya otro destinacion djis pa complace e politiconan di AVP, kendenan ta  para den prome rij pa probecha y haya e terenonan aki pa traha nan propio cas.Y no mester lubida e ladronicia di 90 mil M2 di tereno di pueblo na un solo compinchi politico hopi yega na e lider di AVP!

 

Previlegio politico

Tambe por a mira na varios ocasion con cierto barionan ta wordo asfalta, ta haya klinkers y tambe luz di caya, hustamente pa motibo cu un ministro, un parlamentario of un compinchi fiel liga na partido di AVP a bin biba den e bario. Si no ta pa e echo aki, e bario siguramente lo a keda completamente bandona! Esakinan ta practicanan castigabel ora cu politiconan den forma directo ta previlegia y enrikece nan mes riba custia di pueblo.

 

Bario San Miguel

Asina recientemente pueblo a bin haya sa tambe e motibo berdadero cu a basha asfalt na grandi den e bario di San Miguel den Noord y esey ta pasobra un politico di AVP a cumpra un mansion di gran balor den e bario aki. Pa disimula e hecho di patronahe  aki y pa mustra cu no ta e caya so caminda e mansion caro ta situa ta wordo asfalta, a dicidi di asfalta tur e otro cayanan den San Miguel. E practica di patronahe aki cu placa di pueblo ta mustra cu partido AVP a perde tur clase di berguensa.

 

Derecho y no fabor

Nos di MEP ta contento pa e bario di San Miguel y cu nan por ta feliz awor cu nan camindanan asfalta, pero e wega tabata cu a asfalta e bario, pasobra awo un politico di AVP a bin biba eynan ya pa 6 luna caba y diripiente  asfalt a cay for di cielo pa e bario aki y cu esaki tambe e mansion di e politico a aumenta den balor.

Pueblo di San Miguel y otro barionan cu tambe ta experencia e practicanan aki di AVP, no sinti boso intimida, no sinti cu boso mester paga pa e “fabor” aki, ya cu ta  boso propio placa di belasting ta pagando pa tur e asfalt y di cual boso como bon ciudadano tin tur derecho riba dje.

 

 

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio