Home Uncategorized ‘Vision 17 – 21 Hunto Nos Por’, Plan di gobernacion di partido...

‘Vision 17 – 21 Hunto Nos Por’, Plan di gobernacion di partido POR a wordo lansa

SHARE

Diamars mainta plataforma politico Pueblo Orguyoso y Respeta (POR) a tene un encuentro cu prensa unda cu a lansa e plan di gobernacion di e partido pa e proximo gobernacion. E documento ‘Vision 17 -21 Hunto Nos Por’ ta un programa cu a sali for di curason di e pueblo Arubano. Na e ocasion casi tur candidato tabata presente y prensa a haya e oportunidad pa haci pregunta y ricibi contesta riba diferente topico cu ta bin bek den e plan di gobernacion.

 

Mas o menos 5 luna pasa, candidatonan cu tabata forma parti di POR caba a cuminsa reuni cu un gran cantidad di instancianan aki na Aruba y for di esey a sali un plan di accion cu tabata un inciativa y algo inovador akinan na Aruba. E plan aki a wordo haci publico por medio di e pagina di Facebook di Por E Forsa Nobo y tambe por a wordo downloaded via POR su website. Comunidad por a reacciona y duna su input riba e diferente topiconan cu a wordo identifica na momento cu a reuni cu diferente instancianan aki na Aruba. Despues di esaki a tuma luga un proceso interno den partido, hunto cu e mas di 220 comentarionan cu a ricibi pa loke ta e Plan di Accion y miles di download cu a tuma luga. Finalmente a yega na un programa di partido caminda cu 2 siman pasa den un conseho di partido, a aproba e programa cu a wordo presenta na comunidad di Aruba, lider di POR Otmar Oduber a splica.

 

E compromiso di POR ta cu pueblo di Aruba ta: kibra e tradicion di politica anticua cu por wordo mira den e plan di gobernacion. POR ta para pa balornan humano cu semper mester prevalece, riba tur  ideologia. E Forsa nobo tey y ta acepta mas promesanan bashi, pueblo ta cansa. Balornan di e partido ta funda riba: Progresividad, pragmatismo y tur esaki cu  integridad y un sentido comunitario y participativo grandi. Obhetivo final ta e transformacion di nos Pais den un miho Aruba. E programa ta e resultado di a scucha y compronde loke  pueblo ta desea.