Home » Hunto creando e fundeshi solido pa Aruba POR E Forsa nobo ta gradici comunidad

Hunto creando e fundeshi solido pa Aruba POR E Forsa nobo ta gradici comunidad

by sxm
0 comment 62 views

Refleccionando riba dianan historico di plataforma POR E Forsa Nobo, Sr. Otmar Oduber ta honra y agradecido pa e sosten masal cu partido POR ta ricibi for di nos comunidad.

Un sentimento di felicidad y gratitud ta locual sr. Otmar Oduber lider di partido POR ta sinti, refleccionando riba e susedidonan di e siman cu a pasa culminando den e dia historico di dialuna 7 di augustus.
Cuminsando cu e protocol pionero y historico cu a wordo firma pa tur miembro di e plataforma E Forsa Nobo diaranson 2 di augustus, unda tur a para pa sostene e esencia di democracia y percura pa e voz di e pueblo ta central, firmando e protocol e plataforma E Forsa Nobo a subraya e importancia di e principionan democratico, esta cu cada persona cu ricibi un mayoria di voto ta esun indica pa representa pueblo den e organo mas halto di nos Pais, esta nos Parlamento.

E sentido di union, colegialidad y e importancia comun di e balornan cu e partido ta para pe ta asina fuerte cu den no mas cu 15 minuut a sa di yega na un lista cu cual POR a presenta su candidatonan pa e eleccion di dia 22 di september proximo. Diabierna 4 di augustus e sosten masal di grandi y chikito tabata visto y palpabel. Un grupo grandi di sostenedor a cana anima y decidido hunto cu miembronan di plataforma POR E Forsa Nobo pa entrega e lista na Conseho Supremo Electoral. Sr. Oduber ta no solamente orguyoso, pero un sentido di profundo humildad y gratitud pa e sosten aki ta biba cerca dje.

E mandatario ta sigi pa menciona cu sentido ey a culmina den un sentimento di honra y aprecio riba dialuna 7 di augustus, unda atrobe e sosten di comunidad cu Partido POR a surpasa tur expectativa. For di hopi trempan, prome cu 9 or di mainta, un grupo grandi a reuni dilanti dependance di Censo, pa asina mustra firmememente nan sosten y nan creencia den e plataforma E Forsa Nobo.
Sr. Oduber ta extende un palabra di gratitud sincero na tur esnan cu ta kere den e balornan cu POR ta para pe; pragmatismo, progresividad, integridad y bienestar di comunidad como punto di salida central. Ta extende un invitacion na tur esnan cu a duna nan sosten, pero tambe na comunidad en general pa sigi e Plataforma riba Facebook, e website y tambe comunicadonan den prensa, pa asina por tuma nota di e plan di maneho “E Vision 17-21 Hunto Nos Por” cu ta forma parti di e fundeshi solido pa nos comunidad.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio