Home » Habitantenan di Noord ta consciente cu henter e desaroyo den e districto aki ta danki na MEP

Habitantenan di Noord ta consciente cu henter e desaroyo den e districto aki ta danki na MEP

by sxm
0 comment 58 views

Cu awe Noord ta un districto importante y bunita ta danki na e politiconan cu a sali for di cuna di MEP. Politiconan di Noord manera un Felix Flanegien y un Charro Kelly kendenan ta e prome politiconan cu a contribui na embeyece Palm Beach y Boegoeroei como camindanan principal y a construi tur e casnan di pueblo. Ta politiconan manera Ramon Lee cu a percura pa e Compleho Frans Figaroa, Sporthotel, Parke Jaburibari y Centro di Pesca Hadicurari. Tin mas politico cu ta origina di e cuna di MEP y a sigui percura pa e desaroyo di Noord, manera e construccion di scol basico nobo na Kudawecha. Y pa no lubida e Warda di Polis nobo na Shaba.

 

AVP a lubida Noord

Partido AVP di Emannan hamas y nunca a haci algo pa e pueblo di Noord. Awor den porta di eleccion e integrantenan di AVP ta bolbe bin Noord pa yuda gaña e pueblo aki. Nan ta pasa cas pa cas y trata di gaña nos pueblo, pero e pueblo ta hopi inteligente pa comprende e practicanan manipulativo di AVP. Pues no mester cay den nan trampa. E trampa ta pa nan haya voto di e pueblo di Noord pa nan sigui cu e destruccion di nos pais.

 

Scol MAVO/HAVO/VWO

AVP su unico deseo ta pa nan keda sinta riba e stoel di gobierno y nan ta kere cu Noord lo por yuda nan. Tur locual AVP a logra pa Noord ta pa kita nos scol di MAVO/HAVO/VWO for di e pueblo aki. Mike y Benny a prefera uza e placa di FDA cu MEP a laga destina pa e scol di Noord pa nan a cumpra tramnan cu no a yuda cu nada. Nan a cumpra klinkers pa ful Aruba, pero nos districto di Noord no a haya ni klinkers. Scol Santa Anna y misa Santa Anna a haya un renobacion bao di gobernacion di AVP y esaki pa motibo di un downdraft cu a afecta e area aki. Y asina mes AVP a destina un gran parti di e placa aki pa paga nan compinchinan.

 

Habitantenan ta sclama

Pueblo di Noord tin un memoria social grandi y ta corda bon bon ken a traha na bienestar di e pueblo di Noord y ken ta contra pa Noord haya locual e merece pa cu su desaroyo.

Habitantenan di Noord ta sclama tur dia cu diripiente e integrantenan di AVP a corda cu Noord ta existi y nan kier bin piki voto den Noord: “Pueblo di Noord, para fuerte y bisa No na AVP! Ban vota pa nos haya nos scol di MAVO/HAVO/VWO pa nos muchanan di Noord. Ban Vota MEP pa nos sigui desaroya. No keda atras, No tin berguensa, No tene miedo. Lanta para y bisa cu nos por percura pa oportunidad pa henter nos pueblo di Noord”.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio