ORANJESTAD – Departamento di Obra Publico ta informa pueblo di Aruba en general y specialmente nos automobilistanan cu ta haci uzo di e caminda di John G. Emanstraat cuesaki lo ta parcialmente cera di dia 8 te cu 11 di augustus 2017 pa asfalta e caminda.
Dia 8 y dia 10 di augustus lo frees e caminda prome y dia 9di augustus lo asfalta caminda di John G. Emanstraat 15 (tegenover Aruba Trading) te cu Hendrikstraat 84 (ex-Mai Store) y dia 11 augustus lo asfalta for di Hendrikstraat 84 te cu John G. Emanstraat 87 (tegenover La Granja).
Ruta alternativa lo keda indica cu baricadanan y borchinan di aviso y e orario di ceramento lo ta di 7’or di anochi pa 3’or di marduga tur cuatro anochi.
En conexion cu e trabounan menciona Departamento di Obra Publico ta pidi pa tene cuenta cu e inconveniencianan cu lo por surgi pa cual nos ta pidi nos disculpa.