Home » Adalberto Vrolijk a celebra su di 10 hubileo cu Post Aruba N.V.

Adalberto Vrolijk a celebra su di 10 hubileo cu Post Aruba N.V.

by sxm
0 comment 67 views

ORANJESTAD, Aruba: Post Aruba N.V. ta masha contento di por celebra e hubileo di su empleadonan. E luna aki Adalberto Vrolijk a cumpli 10 aña di servicio y su trayecto den servicio di Post Aruba N.V. a cuminsa dia 1 di Augustus 2007.

El a cuminsa como besteller pa despues bira loket medewerker. El a pasa despues pa E-Post como medewerker caminda el a traha 9 aña. Awo e ta cla pa cuminsa un reto nobo den Post Aruba N.V. como medewerker EMS / Aangetekend.

Adalberto Vrolijk ta un persona cu hopi conocemento, respetuoso, hopi keto y e ta un persona cu por depende riba dje. Tambe e ta un persona cu ta hopi responsabel y coleganan ta siña hopi di dje banda di e echo cu semper e ta busca pa siña pa sa mas. Post Aruba N.V. ta desea Adalberto Vrolijk hopi pabien y hopi exito den futuro cu e compania.

A funda e compania priva Post Aruba N.V. na aña 2005. Su oficina principal ta situa na J.E. Irausquin Plein # 9 na Oranjestad y tin 2 oficina adicional na Santa Cruz y San Nicolas. Ey ta ofrece tur tipo di servicio, for di manda un envelop, te na carga pisa. Post Aruba N.V. ta conta cu 111 empleado, cu diariamente ta yega na 42 mil adres situa tur rond di nos isla. Mas cu djis un servicio, e empleadonan atento ta percura pa tanto comunidad como sector comercial por comunica cu otro.
Pa mas informacion riba servicionan di Post Aruba N.V. , bishita e website www.postaruba.com of check nan paginanan riba Facebook, cu ta Post Aruba N.V. y Aruba Stamps.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio