Home » Esun cu mas voto prome yama pa representa pueblo Partido POR den forma unanime a firma protocol sosteniendo democracia

Esun cu mas voto prome yama pa representa pueblo Partido POR den forma unanime a firma protocol sosteniendo democracia

by sxm
0 comment 65 views

Diaranson anochi den un evento publico candidatonan di partido POR den presencia di un multitud cu a presenta dilanti di Fort Zoutman a firma protocol ‘E Forsa Nobo den Democracia Parlamentario’, un acontesimento importante y historico pa Aruba.

Puntonan di salida di e protocol aki ta encer cu a base di nos constitucion, miembronan di Parlamento ta esnan cu ta representante di Pueblo. Firmando e protocol partido POR ta mustra cu ta sostene e principio democratico. Esaki ta significa cu candidatonan cu haya mayor cantidad di voto, ta prome cu ta wordo yama pa bira representante di Pueblo. Mester menciona cu tur candidato di por a firma e protocol y pues ta bay di acuerdo y ta sostene e contenido.  Di e forma aki E Forsa Nobo ta demostra cu ta cumpli cu e hecho di no mas promesa bashi y ta para pa respeta boluntad di pueblo.

POR a demostra caba cu accion cu ta kibra cu tradicion politico. POR no a sinta den un camber pa traha riba un plan di gobernacion. Sino, cu pa mas di 3 luna nan a sinta cu diferente instancia, organisacion y gruponan di nos sociedad pa scucha loke realmente ta biba y sinti den comunidad. Cu resultado di esaki a traha un plan di accion cu a wordo presenta na comunidad. Comunidad a ricibi e oportunidad tambe pa reacciona riba e publicacion y duna comentario y sugerencianan pa tur esakinan wordo itegra den e ‘plan oficial’ cu POR E Forsa Nobo lo ta presentando na comunida.  Un plan di gobernacion “Vision ’17- ’21 hunto nos POR”, cual ta un plan di pueblo pa pueblo.

Pa continuacion cu celebracion di democracia, diabierna 4 aug POR lo ta for di 1or na Juliana Plein unda cu lo reuni pa despues sali hunto pa stadhuis pa entrega e lista cu lo revoluciona politica na Aruba. Despues lo celebra democracia na Centro di POR na Noord.

 

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio