Home » NV Elmar ta pidi cooperacion di tur partido politico No ta permiti bandera of borchi politico na palo di luz

NV Elmar ta pidi cooperacion di tur partido politico No ta permiti bandera of borchi politico na palo di luz

by sxm
0 comment 66 views

Ta un practica hopi peligroso!

 

ORANJESTAD, Aruba: Mescos cu ta sosode durante cada eleccion, partidonan politico ta opta pa sea pega bandera of hasta borchi politico na palonan di luz of palonan di sosten di waya di coriente. Separa cu NV Elmar no ta duna permiso na ningun partido pa haci tal acto, e ta un acto masha peligroso. Algun aña pasa tabatin hasta consecuencia fatal, pues ta haci un apelacion serio pa no haci esaki.

 

Den caso cu tecniconan di NV Elmar topa cu material di propaganda politico, of te hasta propagandanan comercial, lo kita nan y hiba nan na oficina di NV Elmar pa e doñonan pasa busca si ta desea.

 

NV Elmar ta haci un apelacion fuerte riba organisacionnan politico pa por fabor abstene di uza propiedad di nos compania nacional di distribucion di coriente, pa metanan di promocion politico. Ta gradici di antemano pa e consideracion y comprension.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio