Home Uncategorized Señora den su cas na Sero Blanco, ta bira victima di atraco...

Señora den su cas na Sero Blanco, ta bira victima di atraco #57 pa 2017

SHARE

Sero Blanco: Diaranson den careda di 1’or y 40 di merdia, polis y atraco team ta bay na un adres na Sero Blanco, caminda un ora prome lo a sosode un atraco arma

Aki tabata trata di dos homber bisti na preto y ambos cu arma di candela den nan man, nan lo a yega y exigi placa for di e señora di cas y nan a bandona e sitio.
 
E señora aparentemente lo no a avisa polis mesora, pa motibo cu esaki ta e di dos biaha cu e ta bira victima di un atraca arma y a keda cu hopi temor di esaki
 
Polis y atraco team a presenta, na e adres y ta tuma  tur datos.
No ta conoci ki idioma nan a papia y tampoco si nan a logra bay cu placa, e cantidad cu nan lo por a bay cune.
 
E atraco aki ta bira e di 57 atraco pa aña 2017!