Home » Final Event di Aruba Bank Good4theNeighborhood Building Entrepreneurs ta tuma lugar dia 5 di Augustus

Final Event di Aruba Bank Good4theNeighborhood Building Entrepreneurs ta tuma lugar dia 5 di Augustus

by sxm
0 comment 83 views

ORANJESTAD, Aruba – E participantenan di Good4theNeighborhood Building Entrepreneurs a caba di completa nan segundo siman y awor ta drentando e ultimo dianan di e projecto.

E siman aki nan lo enfoca pa completa e projecto y traha riba cada rekisito pa asina dia 5 di Augustus nan por presenta nan producto final na e communidad di Aruba. Tur team lo tin un Pop up stand riba e parkeer plaats di La Linda den caya G.F. Betico Croes. E team nan lo ta ofreciendo nan producto na e pueblo di Aruba for di 10:00 di mainta te cu 3:00 di atardi y despues nos lo pasa pa e parti oficial unda cu nos lo saca e ganadornan di e projecto di Good4theNeighborhood Building Entrepreneurs.

Durante e segundo siman e participantenan a haya varios presentacion di comerciantenan den nos comunidad cu a comparti nan experiencia y conosemento cu nan. Jimmy Douglas y Arnaldo Maduro di The Mancave Barbershop a presenta e Elevator Pitch . Edward Erasmus a siñanan con pa pone un budget den otro. Lay Hing Yee a mustra e participantenan e importancia di structuranan di gasto y ganashi. Rafeli Croes di KVK tambe a hasi su presentacion y tur e team nan participante a pasa den e tramite di habri nan propio negoshi. Jessica Posner di Aruba Aloe a duna varios ehempel di packaging y merchandising.

Y por ultimo e studiantenan a hasi nan loan pitch na e huradonan cu mester a aproba nan peticion pa un financiamento pa asina nan por logra completa nan producto pa diasabra venidero.

Un invitacion cordial ta bai pa henter e comunidad di Aruba pa bin sostene nos participantenan di G4N diasabra awor for di nan pop up stand den caya G.F Betico Croes .

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio