Nos ta den e temporada di campaña di mas crucial faltando solamente dos luna pa e cambio di nos pais tuma luga. Candidatonan di Partido MEP, ta yegando mas cerca e pueblo campañando tur dia den barionan di Aruba bishitando hogarnan y lagando atras nos mensahe di speransa. Pero tambe candidatonan ta treciendo e pueblo mas cerca di nan cu diferente Fundraising.
Fin di siman, tabatin diferente actividadnan di MEP. Mientras otro candidatonan a uza nan fin di siman pa sigui campaña den pueblo, otronan a tene nan Fundraising pa asina yuda nan cubri nan gastonan den nan campaña personal y asina tambe duna nan e oportunidad di ricibi e pueblo. Cada actividad, Koffiemorgen, BBQ y benta di cuminda a wordo bon atendi. Y esnan presente por a goza di un dia familiar hunto cu nan candidato.
Nos pais merece un cambio. Pa Partido MEP, nos prioridad ta e pueblo y unabes nos ta den gobierno despues di september 22, nos lo cuminsa traha riba nos plan di solucionnan cu nos ta treciendo den e pueblo. Hunto nos ta logra e cambio.