Home Uncategorized Gabinete Mike Eman II a celebra cu colonia Peruano nan independencia

Gabinete Mike Eman II a celebra cu colonia Peruano nan independencia

SHARE
????????????????????????????????????

ORANJESTAD – Conviviendo semper cu e colonia Peruano na Aruba, Prome Minister Mike Eman a asisti diabierna atardi na e celebracion di e 196 aniversario di Independecia di Peru. Meymey di musica, baile y alegria, e mandatario a tuma tempo pa saluda y felicita cada persona personalmente. Durante un discurso breve, Premier Eman a enfatisa riba e integracion di e comunidad Peruano y su aporte balioso na progreso di nos isla.

“Ta un gran honor di comparti e dia grandi aki pa Peru,” Minister President Eman a cuminsa na bisa. “Ta un alegria pa wak cu e comunidadnan cu a integra den nos pais ta comparti nos felicidad, pero na mesun momento ta mantene e recuerdonan di nan pais.” Siguientemente Prome Minister a reafirma na e grupo cu cada parti di e progreso di Aruba ta tambe nan progreso ya cu nan ta aporta na e bienestar di Aruba; como tal, nan tambe ta parti di Aruba.

“Ban mantene e derecho grandi cu nos a obtene den ultimo añanan pa trece husticia social,” e mandatario a bisa indicando cu su Gobierno tey pa crea oportunidadnan igual. E programa cultural a keda organisa pa Fundacion Fiestas Patrias Peruanos Aruba na Paseo Herencia y a conta cu presencia tambe di Minister di Integracion Benny Sevinger.  

Minister Sevinger tambe a ser invita pa hiba palabra, oportunidad den cual el enfatisa e cualidad di Peruanonan como trahadornan duro. “Cada un di bosonan ta lanta trempan, duna Dios danki y ta bay traha, muchanan ta bay scol y tin esnan cu ta traha na hospital na hotelnan. Nos tur ta parti di Aruba, cu tur dia ta lucha pa e miho futuro pa nos yiunan,” Sevinger a bisa. Na su opinion nos ta biba y traha den union y solidaridad paso hunto nos ta traha riba e futuro cu ta miho pa nos tur.