ORANJESTAD, Aruba : Diabierna ultimo Minister Ing. Mike de Meza a topa cu un cantidad di votadonan y sostenedonan na House of Dab, situa net banda di Macro Supermarket na San Nicolas. Ey a organisa un Happy Hour cu a haya e nomber di “Pariba tin co”, for di 6:00pm te cu 11:00pm. Ey a bende BBQ cu galiña y spareribs, hamburger, hot dog, cu un bar bon surti y cu wega di domino. E mesun ambiente a sigui diadomingo tambe, unda cu tur cu tin pregunta of kier sa mas di e campaña y e ideanan di gobernacion 2017-2021 a pasa un rato. E mandatario, cu masha atencion y dedicacion, ta contesta preguntanan, ta scucha sugerencianan y ta splica di e vision pa sigui desaroya nos isla, sigui amplia nos pilarnan economico y percura pa mas oportunidad pa henter pueblo.