Home » OTRO ENCUESTA INDEPENDIENTE TA MUSTRA LIDER DI MEP EVELYN WEVER-CROES TA E GANADOR DI E DEBATE ‘MILLENNIAL’ EDITION

OTRO ENCUESTA INDEPENDIENTE TA MUSTRA LIDER DI MEP EVELYN WEVER-CROES TA E GANADOR DI E DEBATE ‘MILLENNIAL’ EDITION

by sxm
0 comment 77 views
ORANJESTAD — Den fin di siman resultado di un otro encuesta independiente a wordo publica, e biaha aki cu opinionnan tocante e debate di dos siman pasa, ‘millennial’ edition. Ta trata di e encuesta di Noticia Cla y DOC Opleidingen. E encuesta aki a duna como resultado cu partido MEP si lider Evelyn Wever-Croes, a gana e debate.
Tanto pa su forma di contesta e preguntanan, como tambe pa e contenido por a nota cu hasta esnan cu no tabata di vota pa MEP, tabata di acuerdo cu nos lider a gana e debate.
 
Por a nota un Evelyn hopi trankilo y sigur di su mes. Un persona hopi bon prepara, cu solucionnan practico pa e problemanan mas serio di nos pais. Evelyn ta un dama profesional, cu semper a prepara su mes bon pa debatenan, pa reunionnan, pa su casonan y den su trabou. Y awe esey ta resalta: un persona studia, y prepara pa enfrenta e retonan di pais Aruba.
Evelyn Wever-Croes a wordo elogia tanto pa esnan cu a indica cu ta vota pa MEP, como pa esnan cu a indica cu nan no ta vota pa MEP. Esey ta un resultado hopi bon.
 
Na final e encuesta tambe ta duna cual partido ta gana na e momento aki: Partido MEP ta gana cu 32% di e votonan, sigi pa partido POR cu 12% y partido RED cu 8%.
 
Naturalmente ningun partido por considera su mes gana of perdi a base di encuesta, sinembargo e ta un indicacion si cu MEP ta bayendo den bon caminda, na caminda pa gana e eleccion 2017. Tin hopi trabou pa hasi ainda si, pero ta un satisfaccion pa ricibi e confirmacion cu e trabounan ta dunando nan fruto. Motibo suficiente pa e gran famia di MEP ta di hubilo. 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio