Home » Minister di Turismo, Transporte, Energia y Ambiente, Ing. Mike de Meza a topa cu nan Aruba Marriott Resort lo start proyecto di renobacion

Minister di Turismo, Transporte, Energia y Ambiente, Ing. Mike de Meza a topa cu nan Aruba Marriott Resort lo start proyecto di renobacion

by sxm
0 comment 93 views

ORANJESTAD, Aruba: Minister di Turismo, Transporte, Energia y Ambiente, Ing. Mike de Meza ta bishitando hotelnan pa scucha di nan con ta bayendo den e industria turismo. Minister de Meza a reuni cu General Manager di Aruba Marriott Resort and Stellaris Casino, Tom Calame, kende a suministra diferente informacion con ta bayendo den e sector, e trabounan y plannan cu nan tin. “Nos a dialoga riba e direccion cu turismo ta bayendo”, Minister de Meza a expresa.

 

Alabes Tom Calame ta Presidente di AHATA y a tuma e oportunidad durante e reunion pa tene un discusion hopi amplio y interesante pa scucha riba e interesnan, e preocupacionnan, diferente idea y sugerencia cu e cadena di Marriott tin pe industria di turismo.

 

A yega na un acuerdo unda cu ambos partido lo sinta cu otro un biaha mas pa bay den detaye riba diferente topico, unda lo discuti riba diferente plan cu Gobierno tin y e plannan cu tin pa futuro, e trabounan cu ATA ta trahando riba dje y tambe lo mira conhuntamente cu diferente partner strategico por ehempel ATA, Gobierno y Ministerio di Turismo riba esaki. E mandatario sa cu tur partner den e sector di turismo ta hopi contento pa mira con cosnan ta bayendo.

 

“Tambe nos tin cu sinta pa mira e plannan a corto y a largo plaso y nos tin cu semper plania nos turismo pa cada aña,” Minister de Meza a expresa. Mester mira di adelanta, esta cada 5 aña, pero tambe nan tin cu mira esaki pa cada 20 aña. E ta mucho importante pa djis mira luna pa luna, esey kiermen cu esaki ta e discusionnan cu nan tin unda ta mira con pa set up mas tanto cu ta posibel y mira e diferente plan pa termino mas largo.

 

Tom Calame tabata contento di por a reuni cu Minister de Meza, unda cu e combersacion hiba tabata masha bon. “E tabata hopi informativo y Minister a puntra mi over mi opinionnan over di turismo, con cosnan ta bayendo etc.”, Tom Calame a expresa. Marriott lo haci renobacion di nan cambernan, giftshopnan y lo haci e renobacionnan e aña aki. Tambe tin plannan di renobacion pe restaurant Ruth’s Chris. E gerente general a sigura cu na Marriott Aruba tin hopi proyecto andando.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio