Home » LIDER DI MEP EVELYN WEVER-CROES CAMPANJANDO DEN TUR BARIO

LIDER DI MEP EVELYN WEVER-CROES CAMPANJANDO DEN TUR BARIO

by sxm
0 comment 77 views
Den fin di siman lider di MEP Evelyn Wever-Croes a move den diferente barionan.
Diabierna anochi tabata tin un reunion di contacto den Paradera, cu a atrae mas di 100 persona. Lider di MEP Evelyn Wever-Croes, y coleganan Glenbert Croes y Darlaine Erasmus, a dirigi e reunion, y a contesta tur pregunta y duda cu esnan presente tabata tin.
 
Den fin di siman hunto cu demas candidatonan di MEP, a campaña den San Nicolas, Santa Cruz y Noord.
Por nota cu mas y mas hende ta realisa cu Aruba mester di un cambio, y cu e unico partido cu realmente por brinda un cambio ta partido MEP. E candidatonan riba e lista di MEP, lidera pa Evelyn Wever-Croes, ta inspirando mas y mas hende pa join partido MEP. E encuestanan tambe ta mustra cu MEP ta creciendo y cu MEP awor caba ta e partido mas grandi na Aruba.
 
E tema cu mas ta wordo pidi atencion p’e, ta e tema di criminalidad, combina cu falta di trabou. E problemanan social cu ta wordo ocasiona door di e desempleo grandi, tin hopi hende preocupa. Candidatonan di MEP ta splica e vision di MEP y con MEP tin pensa di atende cu e problemanan aki. Partido MEP ta satisfecho con e campaña ta bayendo, y ta gradisi tur cu ta ricibi lider y integrantenan di MEP cu brasa habri.
 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio