Home » Bingo di POR cu full house total y tremendo ambiente Sosten pa E Forsa Nobo creciendo mas dia pa dia

Bingo di POR cu full house total y tremendo ambiente Sosten pa E Forsa Nobo creciendo mas dia pa dia

by sxm
0 comment 48 views

Diadomingo a tuma luga e gran “Bingo Fundraising Event” di Plataforma Politico Pueblo Orguyoso y Respeta (POR), den Club Caiquetio. Cu un full house total y un tremendo ambiente esnan presente por a goza di un anochi cu e team di POR.

 

Faltando un poco menos cu 2 luna pa eleccion 2017, por mira cu e cantidad di actividadnan politico a cuminsa aumenta. Tur siman ta mira candidatonan di E Forsa Nobo Pueblo Orguyoso y Respeta (POR) tur rond Aruba treciendo e bon mensahe cu POR tin pa henter pueblo di Aruba pa e proximo gobernacion. Memey di e diferente bishitanan di cas y encuentronan cu diferente gruponan, a dicidi di organisa un i Bingo den forma di un recaudacion di fondo, unda cu famianan, amistadnan, sostenedornan y fanaticonan di bingo por a reuni y disfruta den bon ambiente. Encuentronan manera cu a tuma luga diadomingo ta refleha e union y positivismo cu tin den E Forsa Nobo.

 

E team di POR casi na final di e anochi  a subi riba stage hunto pa gradici e sosten masal na E Forsa Nobo. A probecha presencia di un gran multitud pa  lansa jingle di POR cual a a wordo bon ricibi. .

Henter team di POR kier duna danki na cada un persona cu a duna nan contribuicion den un forma of otro. POR lo sigui cu e trabou duro di hiba e vision di POR pa e proximo gobernacion cerca cada ciudadano.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio