Diabierna anochi cu un audiencia sumamente grandi & un ambiente hopi positivo, Green Square a habri oficialmente. Ta casi un siman cu Michael Lampe a lansa su mes como candidato official riba e lista di AVP.
Michael Lampe mes a splica diabierna anochi, cu tawata un siman yena cu emocion y positivismo como tambe yena cu un energia vibrante pa para cu nos hendenan & sigui padilanti. Cu un aplauso grandi e publico presente a ricibi Michael su speech cu hopi alegria y energia positivo.
E Pueblo berde di Aruba a scucha Michael su palabranan for di cada skina;
“Paso nos tur sa cu para banda di otro, cu nos diferencianan, cu nos deseonan, cu nos amor, nos ta uni y ta cla pa continua cu e progreso di nos Isla. ”
Michael Lampe a continua pa introduci su “bus di progreso” na Green Square. Michael a splika cu un bus cu tawata para sin uso, a haya un otro destinacion. E bus ta representa ideanan nobo, innovativo, educando nos mes pa futuro.
Michael a comparti tambe cu e simpatisantenan cu e bus no ta solamente e oficina official di dje pa campaña pero tambe un espacio pa tur por bini hunto pa topa y inspira otro.
Pues Diabierna anochi Aruba a haya officialmente su Greensquare y riba dje e bus di progreso!
Pa mas informacion join facebook/bancumichael