Home Uncategorized Homber bou influencia ta manda auto riba grupo di campañador y ta...

Homber bou influencia ta manda auto riba grupo di campañador y ta dal contra dos otro auto

SHARE

Mandolinstraat, Tarabana: Diadomingo algo pasa di 5’or di atardi, un grupo di e partido politico M.E.P. cu nan candidato di Dakota, tabata canando den Mandolinstraat bishitando e casnan. Esaki no a cay den bon tera cerca un contraincante politico den un Toyota Yaris Berde, su fuse a bula y a manda su auto riba e grupo aki, pa suerte e campañadornan a hala net na ora y e chauffeur di e Yaris kende tabata bou influencia di un of otro substancia, a bay dal contra dos otro auto.  

E chauffeur di e Yaris kier a huy for di e sitio, pero e campañadornan mesora a yama polis y a para su dilanti strobando e di bandona e sitio.

Polis di trafico a bay na e sitio y a nota cu enberdad e chauffeur di e Yaris tabata bou influencia mesora ela keda deteni y transporta cu transportwagen di polis pa Warda di Playa.

E caso aki a wordo entrega na departamento di recherche, mirando cu ta trata di un caso serio caminda tabata tin un intento di asesinato. Departamento technico di polis a wordo pidi na e sitio pa haci mas investigacion, tambe e personanan den e grupo a entrega un denuncia  di intento di asesinato contra e persona aki.