Mahuma – Diabierna pa diasabra algo pasa di 12’or mey anochi, polis ta bay pa zuid di rotondo nobo na Mahuma.
Motibo tawata cu dos homber desconoci, o sea dos ladron a drenta e cas.
Segun e señora a conta, ela sea un bentana habri of ta kibra, caminda mes ora ela reacciona. Polis a wordo avisa mes ora.
Nos por a compronde cu e señora a core sali pafo pa evita cu e dos hombernan lo por hacie un daño. E señora a sali y core bay para cerca di su cacho, mientras e dos hombernan desconoci pe tawata rondea den e cas. Probablemente nan a pensa cu no tawata tin niun hende na cas.
Loke nan a logra bay cune tawata 25florin.
Polis a yega y a tira bista, pero no a haya e dos anti socialnan. No ta conoci si e hombernan aki tawata arma, loke si sa ta cu nan a papia bon papiamento.