83
Catiri: Diasabra den oranan di mainta, polis ta wordo manda cu urgencia na un adres na Catiri pa un pelea di pareha cu lo a bay for di man y probablemente tin arma involvi.
E dama tabata basta spanto y lo a sconde pa den di e cas pa e no wordo desgracia pa e agresor cu tabata tin aparentemente un cuchiu den su poder.
Na momento cu e polisnan a yega na e cas, e agresor ya a bandona e cas, pero polis a papia cu e dama y ela conta polis kiko a pasa y cu e agresor a comete destruccion na su auto tambe.
Un otro patruya di polis a wordo manda na e adres unda probablemente e agresor lo tabata y enberdad e patruya a topa cu e agresor na e adres aki y asina nan por a intermedia den e problema aki.