Home » Chef de Partie, Gloria Baena Tur loke mi tin ta danki na Riu Hotels

Chef de Partie, Gloria Baena Tur loke mi tin ta danki na Riu Hotels

by sxm
0 comment 63 views

ORANJESTAD, Aruba: Chef de Partie, Gloria Baena tin 10 aña trahando na Riu Hotels, unda cu e ta haya cu e trahadonan ta bon trata pe hotel. Nan ta traha duro pero nan na final di dia nan empleadonan por mira e fruto cu turistanan ta bin bek y e trato cu empleadonan ta ricibi ta uno bon.

 

E funcion di chef de partie ta despues di e di dos chef y di cual ta manera un supervisor. Gloria Baena tin cu supervisa cu tur cuminda ta bon y ta sali bon procesa. Tambe e mester controla e restaurant y percura cu tur cos ta bon, e clientenan ta na gusto.

 

Gloria Baena a cuminsa 10 aña pasa na Riu Palace Aruba y e no tabatin conocemento di e trabou den cushina. El a cuminsa como cook helper, despues el a bira prome coki y a bira segundo coki y awo e ta chef de partie. Pero e deseo di Gloria Baena ta pa bira segundo chef. Durante tur e añanan aki el a subi un tiki y esey ta e motibo cu e kier sigui subi un step.

 

“Mi ta hopi gradici cu Riu, pasobra tur locual cu mi tin ta danki na Riu”, Gloria Baena a expresa. E trabou a dun’e pasenshi pasobra Gloria Baena no tabatin conocemento di e trabou y awo Riu tin confiansa den su persona.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio