ORANJESTAD, Aruba: Assistent Maître D’ Restaurant, Ale de Cuba tin 36 aña trahando den hotel y na un solo caminda, di cual el a cuminsa traha tempo di Shereton, despues Aruba Grand, Aruba Palm Beach y awo Riu Hotels. Den su transcurso di trabou el a pasa den e cambionan y ta haya cu esaki ta un diferencia basta grandi.
Ale de Cuba a cuminsa na Shereton como busboy, despues el a bira waiter, capitan, supervisor. Na Aruba Grand el a bira assistent chef cook y despues di 8 aña manager di cook, banquet coordinator manager. Awo na Riu Palace Aruba e funcion di Ale de Cuba ta assistent Maître D’. E funcion di Maître D’ ta hefe di tur supervisor, manager, waiter, assistent, despues ta bin assistent di Maître D’ y e manager Maître D’.
Ale de Cuba ta contento cu su trabou na Riu Palace Aruba, pasobra e empleadonan ta ricibi un bon trato di e hefenan. “Mi tin un gradicimento pa Riu”, Ale de Cuba a expresa. Nan tin e sistema di papeleta cu cada 10 dia unda bishitantenan ta yena un formulario con nan a haya e hotel ta y e servicionan di empleadonan. Si nan haya un bon punto, tur empleado lo ricibi un lunch special. Pero awo, danki na e Gerente General di e hotel, Vanessa Blanco, e empleadonan por gana premio door di un rifa.
El a conseha tur esnan cu kier traha cu Riu Hotels mester simplemente traha manera tur ta trahando y siña di otro, pasobra di otro ta siña y por bay dilanti. Un persona por cuminsa como un assistent di cual dia di mañan e persona por bira un supervisor, capitan pero esey ta bin di e mesun persona su forma di presta durante trabou.