Home Uncategorized Fighting Eagle Academy Scol di Tang Soo Do cu un otro logro...

Fighting Eagle Academy Scol di Tang Soo Do cu un otro logro international pa Aruba

SHARE
San Antonio, Texas. Dialuna 10 di Juli a regresa Aruba instructor di F.E.A. scol di Tang Soo Do, Kyo Sah Nim Sherwin Wester hunto cu un alumno Ion Wester for di Texas, USA cu na unda nan a competi den e 22nd All National Tang Soo Do Championship.
 
E championship aki ta tuma lugar tur aña y cual na unda ta bini diferente organisation di Tang Soo Do hunto pa midi forsa den diferente terenonan p.e. sparring, open-hand forms y forms cu arma. Fighting Eagle Academy scol di Tang Soo Do ta afilia na e organisation Tang Soo Do Mi Guk Kwan Association di Connecticut, USA y cual na unda nan ta afilia na un organisation mundial Worldwide Tang Soo Do Family cu tin 20+ otro paisnan afilia na dje. Esaki no ta prome biaha cu e scol aki a representa Aruba riba un nivel international, na aña 2015 nan a forma parti di e 4th Worldwide Tang Soo Do World Championships na Las Vegas na unda nan a logra 2 medaña di oro y 6 di brons entre 7 atleta y tambe na 2016 na Orlando durante e 21st All National Tang Soo Do Championship cu na unda nan a logra 4 silver y 1 brons entre 2 atleta.
 
Pa e biaha aki atrobe a viaha dos atleta pa asina midi forsa cu otro atletanan mericano di diferente estado y na unda instructor KSN Sherwin a logra 1 medaya di oro (pa forms cu arma) y 2 medaya di brons (pa sparring y open-hand forms) y e otro atleta Ion cu a logra 2 medaya di brons (pa sparring y forms cu arma).
 
Directiva di e scol conhuntamente cu mayornan di alumnonan ta sumamente contento cu e logro aki cu mirando e scol tin 6 aña di existencia y ta trahando duro pa keda hisa Aruba su nomber na halto den e ramo di e deporti di Tang Soo Do.
 
E scol ta spera di sigui haci esaki na e siguiente competencia mundial na aña 2018 cu lo tuma lugar na London, England. Un danki mester bai na e scol su sponsor nan cu semper a yuda cual ta Aruba Medical Supplies, H.S. Company y tambe S.A. Provider. Entre instructornan y mayornan semper a traha hunto pa alumnonan por progresa den e deporte y disciplina aki. Si ta desea pa ricibi information tocante training por yama libermente na 563-3698 of email nos na fightingeagleaa@gmail.com.