Home » SEGUN MEP: NOORD TA DESAPUNTA DEN MIKE EMAN

SEGUN MEP: NOORD TA DESAPUNTA DEN MIKE EMAN

by sxm
0 comment 83 views
SCOL HAVO/VWO NA NOORD TA UN NECESIDAD GRANDI, DICON MIKE EMAN A NENGA NOORD ESAKI?
 
NOORD — Den fin di siman lider di MEP Evelyn Wever-Croes tabata den e bario di Noord hunto cu e coleganan candidatonan di Noord. Un grupo basta grandi di campañador y candidatonan a drenta barionan y mester bisa cu e habitantenan tabata contento di ricibi nan.
 
“Nos a wordo ricibi cu brasa habri y nos ta sumamente agradecido pa esaki. Cuidadanonan cu kier scucha mas di nos plan, otronan cu kier a duna felicitacion pa e debate di siman pasa, y otronan kier a expresa nan desgusto contra e gobierno actual.
Un punto cu a resalta ta cu mayornan ta hopi desapunta den gobiern id Mike Eman, especialmente esnan cu den pasado a vota pa AVP. Un grupo grandi a bira lomba pa partido AVP pasobra AVP a desapunta nan. E unico cos cu tabata tin pa Noord, tabata e scol HAVO/VWO, pero ni esey Noord tabata mag di haya.
 
Gobierno di Mike Eman a usa tur e placa di e scol ey, y a inverti’e den un tram. Habitantenan di Noord ta bon na altura di esaki, y hustamente esaki tin nan molestia. Si e scol a bin na Noord, hopi yiunan di Nortero no mester coi bus pa bai scol leew. 
 
Criminalidad ta un otro tema cu tin hopi hende sumamente preocupa, y especialmente e hecho cu gobierno no ta hasiendo nada. Minister Dowers kier pa bo kere cu NO tin problema, y minister Mike Eman no ta para Dowers den su manipulacion. Ambos ta mes culpable na e situacion aki.
 
Durante nos campaña den fin di siman habitantenan a tuma e oportunidad pa expresa nan desgusto y desapunto cu nos. Danki pa ricibi nos cu brasa habri, y danki pa e sosten” lider di MEP Evelyn Wever-Croes a duna di conose.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio