Home » Hospi Bondi Camp a inicia cu logo nobo pa su 25 aniversario Muchanan hopi entusiasma cu Camp a cuminsa

Hospi Bondi Camp a inicia cu logo nobo pa su 25 aniversario Muchanan hopi entusiasma cu Camp a cuminsa

by sxm
0 comment 65 views

 

ORANJESTAD, Aruba: Dialuna a inicia Hospi Bondi Camp oficialmente na Hospital unda cu pa di 25 biaha a yena e plenchi yen mucha entusiasma pa diberti y gosa di e camp popular aki. Pa e ocasion special aki a traha un logo nobo dunando e camp un aire fresco hunto cu un toke moderno y colorido pe camp.

E camp aki ta pa yiunan di trahadonan di Dr. Horacio E. Oduber Hospital unda cu ta coordina recreacion, diberticion y educacion, ofreciendo un programa bon balansa cu lidernan responsabel y cariñoso locual ta haci cu tur aña e cuponan ta yena hopi lihe. E programa tambe ta adapta na orario di e trahadonan di Hospital. E aña aki pa di 25 biaha e programa ta yen actividad pa pasa momentonan dushi durante vakantie. Ela cuminsa dia 17 di juli y lo caba dia 28 di juli cu un clausura extra special pa celebra nan di 25 biaha organisando e camp aki.

 

Durante e ultimo 4 añanan sra. Noralfa Eckmeyer ta dirigiendo Hospi Bondi Camp y esaki ta bayendo hopi bon. Nan ta purba di cambia tur biaha e actividadnan cu nan ta haci cu e muchanan. E grupo di Hospi Bondi ta uno grandi y ta dificil tin biaha pa haya luga pero asina mes nan ta haci nan esfuerso pa trece variacion den e ultimo 4 aña.

E aña aki por ehempel nan lo tin actividad extra di cual Pico Bello a acerca Hospi Bondi pa asina haci un rondleiding pe muchanan chikito. Tambe nan lo bay Bright Bakery pa haya rondleiding con nan ta traha pan. Ademas di esaki lo bay tin 2 alumno di IPA cu lo haci nan Vrije Studie Punt (VSP) durante e camp, unda cu lo tin 2 dia di sportdag. E sorpresa di mas grandi pe aña aki ta cu diabierna awo Hospi Bondi Camp lo bay De Palm Island. E muchanan ya ta anhela pa e dia aki yega lihe mientras ta sigui gosa di e ambiente di e camp.

Hospi Bondi Camp a bira algo esencial pe trahadonan di nos Hospital y ta spera cu por sigui cu e tremendo Camp aki pa hopi aña mas. E comision di Hospi Bondi Camp ta gradici Hunta di Directiva di Hospital y e sindicato ABV pa nan donacion y yudansa. Anualmente por mira con tremendo e muchanan ta pasa durante dos siman di nan vakantie na un manera saludabel y contento.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio