Home » EVELYN WEVER-CROES: NOS COMPROMISO PA HASI ARUBA MAS SIGUR ATROBE

EVELYN WEVER-CROES: NOS COMPROMISO PA HASI ARUBA MAS SIGUR ATROBE

by sxm
0 comment 77 views

ORANJESTAD — Durante e debate ‘millennial edition’ cu a tuma lugar siman pasa, e tema di insiguridad riba nos pais a bolbe bin padilanti. E pregunta cu e lidernan politico mester a contesta, ta con bo partido lo hasi Aruba mas sigur atrobe.

Lider di MEP Evelyn Wever-Croes a duna un bon splicacion riba esaki.

SEGURA NOS COSTANAN

Nos mester cuminsa cu segura nos costanan pa stop importacion ilegal di hende, arma y droga. Pasobra tanten cu nos no segura nos costanan, nos no por pone orden paden den cas. Con nos ta hasi nos costanan mas sigur? Bin bek cu e radarnan pa vigila e costa manera e radanan chikito tabata funciona. Bin bek cu e helicopter, pasobra awor ora un preso hui, no tin ni helicopter pa buske. Regla e posicion di Warda Nos Costa, duna nan e autoridad y especialmente material pa nan por traha, pa asina nos por controla nos costanan mihor y segura nan.

 

PONE ORDEN PADEN DEN CAS

Combati criminalidad cu man duro, sino criminalnan ta tuma over. Nos mester mas polis riba caya, y mester duna departamentonan di husticia material y equipo pa nan funciona. Mester percura pa formacion di agentenan policial nobo, y percura pa e placa ta disponible pa cumpli cu esaki. Pasobra e forma con empleadonan di KIA, KPA, Imigracion, CEA, Warda Nos Costa, Brandweer mester eherse nan trabou, ta bergonsoso, y no ta digno di un pais cu ta pretende di ta 5 strea. 

Pa trese mas seguridad y trankilidad den e area turistico, mester introdusi ‘tourism police’ specialisa pa opera na un forma cu no ta intimida turista, pero manteniendo orden den area turistico.

REVISA TUR LEY PA CABA CU ABUSO

Pa por pone orden bek den nos pais ta importante pa revisa tur e leynan pa mira cual mester cambia. Leynan cu ta protehe esun cu ta hasi malo, mester wordo cambia. Castigonan mas severo mester wordo implementa.

Ta asina so nos lo logra hasi Aruba un lugar sigur atrobe. Mester remarca cu lider di MEP Evelyn Wever-Croes tabata esun cu a resalta den su contestanan, cu na un forma hopi profesional y determina a splica con lo atende cu e problemanan serio di nos pais.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio