Shaba: Diamars den oranan di marduga, polis ta nota cu tin un Nissan Tiida haciendo basta sospechoso dilanti Warda di Polis na Shaba. Esaki a sosode un rato despues cu polis a gara dos sospechoso den e cura di Warda di polis.
Despues di un rato ta drenta informe cu e auto lo ta coriendo pasando poco poco den area di e Warda di polis. Polis no a confia esaki y a dicidi di sali bay su tras, na Boegoeroei nan a logra para e auto. Un dama su so tabata den e auto, na momento cu polis a pidie pa su documentonan y di e auto, nan a nota cu esaki no ta klop y den e auto nan a topa varios plaachi di number.
E auto y e plaachi numbernan a keda confisca pa polis, polis a bisa e dama cu e mester pasa na warda cu su documentonan valido pa asina e lo por haya su pertenencianan.