Home » Problema di auto a termina na bringamento, dos persona a resulta herida

Problema di auto a termina na bringamento, dos persona a resulta herida

by sxm
0 comment 77 views

Socotorowijk – Diadomingo atardi polis ta bay un adres den Socotorowijk, pa un homber cu a bin haci problema cuenta di un auto.
Algun rato despues informacion a drenta cu lo tin un persona herida y un otro cu lo a bira malo door di e problema.

Polis a compronde na e adres cu e persona cu a yega e cas pa haci problema, lo a sali di K.I.A algun dia pasa. E problema lo ta relaciona cu un Ford Mustang cu lo tawata para na e adres akinan, caminda cu e homber aki a yega e cas drenta paden y bay te den camber. Segun e homber aki e Ford Mustang lo ta di dje.

Den cas di hende ela cuminsa altera y aki ta caminda cu e doño lo a bise pa sali pafo, caminda e lo papia cune. Segun e homber, nan lo a horta su Mustang y cambia esaki di color.

Doño di e cas a puntre si e tin e papelnan corespondiente di e auto, paso caminda cu e sa ta su yiu a cumpra esaki for di un persona.
Dado momento e supuesto doño di e Mustang a subi sinta den Pick Up di e doño di e cas y no kier a baha.

Ora cu e doño a bay papia cune y purba bahe ela bringa cu e doño y heride. Mientras esaki ta pasando, e casa di e doño mirando e agresion a cuminsa grita y a bira malo.
Yiu di e doño di e cas, esta esun cu a cumpra e Mustang tambe a wordo ataca.

E yiu a conta polis cu ela cumpra e auto for un persona y e persona ey tambe ta bisa cu ela cumpre for di un otro persona. Pues un confusion total, caminda cu golpi a cay.

Pa evita mas problema, polis a pidi takelwagen y a confisca e auto. Polis splica ambos partido kiko nan mester haci pa resolve e problema aki.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio