ORANJESTAD, Aruba: E team Colt di Pony League Aruba Baseball ta rumbo pa hunga den e World Series na USA. E World Series lo tuma luga na Indiana, USA dianan 4-9 di augustus 2017. Aruba a bira campeon den e serie del Caribe y nan a haya e titulo di Caribbean Zone Colt Champions 2017.
Aruba Bank ta sostene e team di baseball, kendenan lo ta representa e zona di Caribe. E hungado y coachnan a ricibi uniform for di Aruba Bank. E hungadonan cu lo ta den e seleccion di Pony League Aruba ta Valentino Dirksz, Lixander Lambrinos, Jerrick Francees, Guyon Cannister, Joshua Barendregt, Brandon Rincones, Denvert Werleman, Raibiently Mercalina, Ardwin Tromp, Cal Maduro, Bryan Sahid, Shuneal Arnaud, Junior Simmonds, Amir Lacle, Gabriel Salcedo, Brandon Sint Jago, Norangelo Jacobus y Emirson Cornelis. E team lo ta dirigi pa Nelson Patino (Manager), Riley Mercalina (Coach), Edward Cheong y Benjamin Francees (Business Manager).
Aruba Bank ta contento di sostene e hobennan cu yen di talento den baseball y ta desea nan exito durante nan competencia na USA. Pony League Aruba Baseball a gradici Aruba Bank pe sosten ricibi. Por sigui e weganan di e team di Aruba cu lo ta hungando den e World Series di baseball via e website www.pony.org.