Home Uncategorized Padrastro hinca cerca di su curason cu sker, agresor lo tin solamente...

Padrastro hinca cerca di su curason cu sker, agresor lo tin solamente 13 aña

SHARE

Savaneta – Diasabra mainta pa mas o menos 11:30 informacion ta drenta na polis y 911 di un incidente caminda un persona a wordo hinca.
Esaki a sosode dos cas pabou di Ice Berg na Savaneta, cu ta un cede di partido Avp.

Mas despues a sigui haya informacion cu e hinca lo ta cerca di e victima su curason.
Na yegada ambulance tawata saliendo cu e victima y polis tambe tawata na e sitio.

Un poco mas pabou, ariba caminda grandi mes tawata tin un otro patruya para y den dje e mucha di 13 aña cu lo ta esun cu a hinca e homber di 26 aña. E homber lo ta compaña cu su mama.

Polisnan papiando cu e mucha homber

Na e sitio nos a combersa cu e algun otro mucha y un ruman di e mucha di 13 aña.
Ela conta nos cu e homber cu ta padrastro di e mucha, tur dia lo tawata dal e mucha cu mokete den su cabes, segun e otro muchanan tambe cu a confirma esey.

Awe e mucha di 13 aña lo no a tuma mas y a pasa man pa un sker y a hinke, caminda e sker a keda pega y e victima a ranca y saca e sker. Aki ta caminda sanger a cuminsa basha.

Polisnan cu conoce e mucha di 13 aña bon a detene mes ora y transporte di biaha pa warda di San Nicolas.
Ambulance a sali cu urgencia direccion hospitaal cu e padrastro.