Nissan ta desvia pa borchi benta ariba caminda y ta dal contra cura di cas

Savaneta – Diabierna marduga polis a bay un accidente na Savaneta. Na yegada di polis e chauffeur a contanan cu, ela bay hala pa un borchi grandi benta ariba caminda.

A bin resulta cu tawata trata di un borchi di e partido MEP, cu di un of otro manera a yega te ariba caminda principal for di un cura di cas.
Den e maniobra, e chauffeur a perde control y bay dal un cura di cas basha abou.